- Song Book:
Spiritual Songs of Joy
ஆவிக்குரிய சந்தோஷக் கீதங்கள்
ஆணிகள் பாய்ந்த கரங்களை விரித்தே
ஆவலாய் இயேசுன்னை அழைக்கின்றாரே
பார் திருமேனி வாரடியேற்றவர்
பாரச் சிலுவைதனைச் சுமந்து சென்றனரே
பாவமும் சாபமும் சுமந்தாரே உனக்காய்ப்
பயமின்றி வந்திடுவாய் - ஆணிகள்
மயக்கிடுமோ இன்னும் மாயையின் இன்பம்
நயத்தாலே உந்தனை நாசமாக்கிடுமே
உணர்ந்திதையுடனே உன்னதரண்டை
சரண் புகுவாய் இத்தருணம் - ஆணிகள்
கிருபையின் வாசல் அடைந்திடுமுன்னே
மரணத்தின் சாயலில் இணைந்திடுவாயே
உருவாக்கியே புதுச் சிருஷ்டியில் வளரக்
கிருபையும் அளித்திடுவார் - ஆணிகள்
பரிசுத்த ஆவியால் பரமனின் அன்பினைப்
பகிர்ந்திடுவாருந்தன் இருதயத்தினிலே
மறுரூப நாளில் அச்சாரமதுவே
மகிமையும் அடைந்திடுவாய் - ஆணிகள்
இயேசுவல்லாது இரட்சிப்புத் தருவோர்
இரட்சகர் வேறு இகமதிலுண்டோ
அவர் வழி சத்தியம் ஜீவனுமாமே
அவரே யுன் நாயகரே - ஆணிகள்
